Masroof hain din raat unhen waqt kahan hai,
“Wo” hum se karen baat unhen waqt kahan hai.
Betabi-e-dil ka unhen andaza kahan hai,
Samjhen mere jazbat unhen waqt kahan hai.
Wo ponchen meri ankh se behte huey ansoo,
Ae rang-e-barsat unhen waqt kahan hai.
Bhule se hi wo poochne aa jaein mera haal,
Ae gardish-e-halat unhen waqt kahan hai.
Mojon mein tarapta hua main doob raha hon,
Thamen wo mera hath unhen waqt kahan hai..
No comments:
Post a Comment